Галоўная / Навiны / Навiны рэспублiкi
27.09.2020

Сярэдняя зарплата ў Беларусі ў жніўні склала Br1276,4

Намінальная налічаная сярэдняя заработная плата работнікаў у Беларусі ў жніўні склала Br1276,4, паведамілі БЕЛТА ў Нацыянальным статыстычным камітэце.

У ліпені гэтага года было Br1287,5.

У разрэзе рэгіёнаў традыцыйна лідзіруе сталіца: сярэдняя зарплата мінчан у жніўні дасягнула Br1766,2 (тэмп росту да жніўня мінулага года - 109,3 працэнта). У Мінскай вобласці сярэдняя зарплата склала Br1300,3 (105,3 працэнта), Гомельскай - Br1138,1 (107,8 працэнта), Брэсцкай - Br1097,3 (107,3 працэнта), Віцебскай - Br1083,9 (106,7 працэнта), Гродзенскай - Br1101,8 (107,8 працэнта), Магілёўскай - Br1052,9 (106,4 працэнта).

У цэлым па краіне рэальная заработная плата (разлічаная з улікам росту спажывецкіх цэн на тавары і паслугі) у студзені-жніўні ў параўнанні з адпаведным перыядам 2019 года ўзрасла на 8,2 працэнта.

Па матэрыялах сайта БЕЛТА.